Características (globais e específicas)

Globais

Unha das características principais é a heteroxeneidade. Xa que non afecta sempre da mesma forma nin coa mesma intensidade a todos os compoñentes da linguaxe nin repercute na súa vida social ou no seu desenvolvemento emocional de igual maneira. Por iso, día a día atopámonos cunha gran variedade de perfís comunicativos e persoais dentro dos nenos e nenas con diagnostico de TDL ou Tel.
É un trastorno persistente que mellora co tempo, o acompañamento, a intervención e os apoios adecuados.
O perfil de dificultades e habilidades evoluciona, polo que se considera dinámico.
No TDL-TEL a principal problemática está na linguaxe oral, pero a maioría das persoas afectadas presentan dificultades en máis áreas do desenvolvemento, resultando un trastorno complexo.
Podemos afirmar que é frecuente, xa que os estudos ofrecen datos de prevalencia que oscilan entre o 2 e o 7% de poboación en idade escolar.
Dicimos que é invisible, debido a que os nenos e nenas con TDL-TEL poden falar, non teñen unhas características físicas que os/ as definan e poden desenvolver estratexias de compensación para camuflar dificultades a nivel tanto de comprensión como de expresión oral, non resultando evidentes as súas limitacións ou dificultades.
É un trastorno que evoluciona de forma lenta pero favorable, que require tempo e traballo especializado. É fundamental unha terapia logopédica precoz, intensiva e de longa duración.
É un trastorno do neurodesarrollo cuxa base é xenética.

Lenta adquisición da linguaxe.
Emisións alteradas fonética- fonológicamente, problemas para comprender o que di.
Dificultade para facer frases (podemos percibilas desordenadas, incompletas, descoordinadas, sinxelas…) e erros gramaticais.
Dificultades en comprensión oral, que podemos observar cando se ve afectada a forma e
frecuencia das interaccións, o seguimento de ordes, a resposta a preguntas, o comportamento ante tarefas cunha carga verbal importante (ex. Asemblea), etc.
Xeralmente poden compensar moi ben as dificultades de acceso ao léxico, por exemplo cando non lles sae ou non poden dicir unha palabra concreta buscan a maneira de facerse entender.
Debido aos aspectos recalcados, aparecen limitacións no uso da linguaxe (pragmática) e
nas relacións cos seus iguais.
Dificultades en habilidades narrativas e do discurso.
Dificultades en memoria de traballo.
Posible repercusión emocional e conductual a medida que se van facendo maiores.
Posible repercusión académica.
Posible afectación a nivel de coordinación motora.